klnjudo

https://hk.on.cc/hk/bkn/cnt/sport/20171208/bkn-20171208195413789-1208_00882_001.html

道其實都分好多個級別，主要用體重來細分。喺國際比賽上，成人組就有男女子各7個級別，女子組最輕係48公斤以下，跟住係-52公斤、-57公斤、-63公斤、-70公斤、-78公斤、+78公斤；而男子組最輕就係60公斤以下，跟住係-66公斤、-73公斤、-81公斤、-90公斤、-100公斤同+100公斤，當然亞洲運動員普遍會喺體重較輕嘅級別較量。

大家有冇留意，每位運動員都會有一條帶，主要係國際賽上會見到黑帶。黑帶屬於柔道最高級別，只要考到佢就可以參加國際性比賽。不過，其實仲可以分好多等級，初學者會係白色，跟住考上去係黃，橙，綠，藍，啡，跟住就係黑帶；但原來黑帶係柔道界都唔係最勁，原來黑帶都再有分段，去到黑帶五段再高級別嘅就係紅白帶（6-8段），而去到第9段及第10段就係最高級別嘅紅帶。

每項運動都有唔少規則，柔道一樣有犯規，裁判會畀黃牌警告，選手累積滿三張黃牌，就出紅牌，比賽就會結束，亦會宣告對手勝出。咁點樣先算係犯規呢，最清楚當然係選手踩出界，另外選手如果比賽中表現消極唔出招，都一樣係犯規㗎！